الأحد , نوفمبر 19 2017
الرئيسية / رياضة / مدحت شلبي معلقًا على «الكلاسيكو»: «طب قول والله ما لمست إيدي يا راموس»
مدحت شلبى
مدحت شلبى

مدحت شلبي معلقًا على «الكلاسيكو»: «طب قول والله ما لمست إيدي يا راموس»

عقب إعلان إدارة قنوات On Sport، حصولها على حقوق بث مباراتي كأس السوبر الإسباني بين ريال مدريد وبرشلونة، على شاشتها، سادت حالة من الجدل على مواقع التواصل الاجتماعي، لتعليق مدحت شلبي على المباراة الأكبر في كرة القدم حاليًا، وهو ما جعل «شلبوكا» يتصدر تريند «تويتر» منذ لحظة الإعلان وحتى الآن.

ويرصد «الشرقية الآن» خلال التقرير التالي، سيناريو تخيلي، لأشهر التعليقات التي قد تخرج على لسان مدحت شلبي في أثناء تعليقه على المبارة وتناولها في الاستوديو التحليلي.

من المتوقع أن يبدأ شلبي الاستوديو التحليلي الخاص بالمباراة قبل بدايتها بعدة ساعات، خاصة أنه يبدأ الاستوديو لمباراة مثل نهائي كأس مصر قبل موعدها بـ 5 ساعات، فما بالكم بمباراة بين الفريقين الأكبر في العالم الآن؟

تعليق «شلبوكا» على المباراة:

– ميسي لفها لفة جاتوه.. حطهاله إيه.. شايفين الحطة والبطة والنطة.. يااااا نهار أبيض.. يا نهار أبيض للصبح.. ميسي بص بعينه ومرحمش بقلبه.

– من قربك وخوفي عليك من فضلك يا بيكيه اقفل رجليك

– شايفين يا جماعة التصوير والكاميرات حاجة تفرح.. حضراتكوا تحلموا واحنا ننفذ.. قولتها قبل كدة إدونا حقوق يا جماعة وانتوا تشوفوا التغطية والشغل اللي بجد.

– شايفين الجمهور والتنظيم.. حاجة إيه ولا واحد موتور مسك شمروخ ولا زعق ولا عمل حاجة.

– وماشي ايسكو..خطيراااه خطيرة خطيرة.. ياااا نهااار أبيض، الله الله عليك يا ايسكو الله الله عليكي يا أون.

– شايفين سواريز ماظهرش بالشكل المعروف عنه، راموس وراله العين الحمرة.

– هايعدى هايعدى هايعدى هايعدى وبيمينه والهاداااف، يا نهار أبيض يا نهار أبيض عليك يا كريستيانو يا نهار أبيض عليكي يا أون شوفلي شقة جنبك يا دون.

– أدي الكاميرات الـ HD المتشعلقة حاجة تفرح وحاجة تشرف.. هتقولي اسمها عنكبوتيه هاقولك.. أنا عارفها كده.. أنا اتعلمتها كده.. وبقولها كدده.

وبعد نهاية المباراة يبدأ شلبي في التحليل هو وضيوفه بأسلوبه المعتاد وطريقته في حل المشكلات وكشف صحة الحالات التحكيمية:

يا سيرجيو يا راموس مساء الأنوار

من الآخر كدة يا راموس الكورة جت في ايدك ولا لأ؟

طيب قول والله العظيم ماجتش في إيدي يا كابتن.

ومعانا رئيس نادي برشلونة «يا مساء الأنوار» يا «بارتوميو» بيه:

– مساء الأنوار يا كابتن مدحت.. أنا حابب في البداية أبارك لنادي ريال مدريد الكبير وبقول لكل المتأمرين ياريت تكونوا استريحتوا يا استاذ مدحت يا رب يكونوا همدوا ورئيس لجنة المسابقات يكون هدي ولجنة الحكام «راموس» شايل الكورة بأديه إحنا قرفنا يا كابتن والحكم أبو طويلة مش شايف كل ده مش شايف  ليه اتعميت؟

– يا بارتوميو بيه الولد حلف لي انه مالمسش الكورة بأديه

– اقسم بالله لو راجل يجيلي عند باب النادي لو عنده شجاعه يجي يقول كده قدامي، والماتش هيتعاد يعني هيتعاد.

شاهد أيضاً

جانب من تمرد لاعبى الشرقية

لاعبو الشرقية يرفعون شعار ..«عايزين فلوسنا»

رفض لاعبو الفريق الأول لكرة القدم بنادى الشرقية خوض المران الذى كان من المقرر إقامته ...

الدكتور حمدى مرزوق رئيس نادى الشرقية

الشرقية يصرف 10 آلاف جنيه لكل لاعب قبل مواجهة كهرباء الإسماعيلية

صرف نادي الشرقية اليوم مبلغ 10 آلاف جنيه لكل لاعب بالفريق الأول لكرة القدم ، ...

محمود حمدى "الونش"

لاعب الزمالك بـ«الجلابية» في صلاة العيد بالشرقية ..«صورة»

أدى محمود حمدى “الونش”، مدافع الزمالك، صلاة عيد الأضحى المبارك بصحبة أسرته فى مسقط رأسه ...

أضف تعليقاً

لن يتم نشر عنوان بريدك الإلكتروني. الحقول الإلزامية مشار إليها بـ *